काठमाडौँ : नेपाली कांग्रेसको १४ औँ महाधिवेशनमा शशांक कोइरालाले पनि सभापतिमा शेरबहादुर देउवालाई समर्थन गरेका छन् । दिउँसो बालुवाटार पुगेर शशांकले देउवालाई सहयोग गर्छु भन्दै समर्थन गरेका हुन् ।

बालुवाटार स्रोतका अनुसार दिउँसो २ बजे देउवालाई समर्थन गर्न शशांक प्रधानमन्त्री निवास पुगेका थिए । बालुवाटार पुगेका शशांकसँग देउवाले सहयोग मागेका थिए । शशांकले परिवारका कारण खुलेर समर्थन गर्न समस्या भएपनि आफ्नो साथ सहयोग रहने बताएका थिए ।

---

त्यसपछि शशांकले मुस्कान दिएर देउवासँग हात मिलाएको फोटो खिचाएका थिए । यसअघि पनि पनि दुई पटक बालुवाटार पुगेका शशांकले देउवालाई भित्री रुपमा सहयोग गर्ने ‘वचन’ दिएका थिए ।