काठमाडौँ : नेपाली कांग्रेसको सभापतिका लागि भइरहेको मतदानमा दुई हजार मत गणना सम्पन्न भएको छ ।  २ हजार मत गणना गर्दा सभापतिमा शेरबहादुर देउवाले ११६६ मत पाएर अग्रता कायमै राखेका छन् ।

यस्तै सभापतिका अर्का उम्मेद्वार शेखर कोइरालाले ८१२ मतका साथ देउवालाई पछ्याइरहेका छन् । राष्ट्रियसभा गृहमा मतगणना चलिरहदा दोस्रो चरणमा भएको मतदानमा ४ हजार ५ सय ६४ मत खसेको छ । देउवालाई यसअघिका उम्मेद्वार प्रकाशमान सिंह र विमलेन्द्र निधिले समर्थन गर्दा अग्रता कायमै राख्न सफल भएका हुन् ।

---