कांग्रेसको रुपान्तरणमा लागिसकेको छु, कार्यकर्ताको घरदैलोमा पुग्छु : शेखर

काठमाडौं - नेपाली कांग्रेसका नेता शेखर कोइरालाले नेपाली कांग्रेसको रुपान्तरणमा आफु लागिसकेको बताएका छन् । कांग्रेस रुपान्तरणका लागि आवश्यक विचार उठाउँदा त्यसको जित भएको भन्दै उनले पार्टी सभापतिमा व्यहोरेको पराजय स्वीकार गरेको पनि उनले बताएका छन् ।

बुधबार काठमाडौंँमा पार्टी कार्यकर्तालाई धन्यवाद दिन आयोजित कार्यक्रममा उनले अब कांग्रेस रुपान्तरणका लागि हरेक कार्यकर्ताको घरदैलोमा पुग्ने पनि बताएका हुन् । चुनावमा उठ्दा हार जित स्वभाविक भएको भन्दै उनले आफूले कसैसँग गुनासो नगर्ने पनि बताए । तर युवाहरुको साथ लिएर अब नयाँ ढंगको यात्रा गर्ने पनि कोइरालाले बताए ।

---

सभापतिमा पदमा जित हासिल गरेका प्रधानमन्त्री शेरबहादुर देउवालाई बधाई दिँदै शेखरले गुटगत रुपमा पार्टी चलाउन थाले फेरि संघर्ष सुरु गर्ने चेतावनी पनि दिए । ‘म कांग्रेसको रुपान्तरणमा लागेको छु । तपाईंहरु सबै कार्यकर्ताको घरदैलोमा पुगेरै कांग्रेस रुपान्तरण गर्नेछु,’ उनले कार्यक्रममा भने, ‘तपाईंहरुको घरदैलामा पुगेरै आगामी अधिवेशनमा सफलता प्राप्त गर्छौ भन्ने विश्वास लिएको छु ।’

महाधिवेशन प्रतिनिधिहरुले आफूलाई दिएको माया, सम्मान कहिल्यै बिर्सन नसक्ने कोइरालाले  बताए । उनले अघि भने, ‘यही मायाले मेरो राजनीतिक यात्रा फेरि एक पटक नयाँ ढंगले शुरु गर्छु ।’