ओलीलाई ‘सेटिङ’मार्फत बचाइएको दाहालको दाबी

काठमाडौँ - नेकपा माओवादी केन्द्रका अध्यक्ष पुष्पकमल दाहालले सेटिङमार्फत एमाले अध्यक्ष केपी ओलीको राजनीति बचाएको दाबी गरेका छन् । 

तत्कालीन प्रधानमन्त्री ओलीले पहिलो पटक प्रतिनिधिसभा विघटन गरेको दिन ५ पुसको अवसरमा सोमबार काठमाडौंमा आयोजित कार्यक्रमलाई सम्बोधन गर्दै दाहालले एउटा सेटिङअन्तर्गत ओलीको राजनीति बचाइएको बताएका हुन् । 

---

निर्वाचन आयोगले कानुनअनुसार काम गरेको भए ओली पार्टीविहीन हुने उनको दाबी छ । 

आयोगले कानुनअनुसार निर्णय लिएको भए ओली पार्टीविहीन, चुनाव चिन्हविहीन बन्नुहुने थियो,’ दाहालले भने, ‘तर, एउटा सेटिङअन्तर्गत उहाँलाई बचाइयो ।’ दाहालले कसले कोसँग कस्तो सेटिङ गरेको हो भन्नेबारेमा केही खुलाएनन् । 

ओलीको राजनीति जोगाउनका लागि ठूलो डिजाइन भएको दाबी गरेका दाहालले ओली अहिले प्रतिगमनकै बाटोमा रहेको आरोप लगाए ।