काँग्रेस र एमालेका करिब दुई दर्जन नेता-कार्यकर्ता माओवादीमा प्रवेश

काठमाडौँ - नेपाली काँग्रेस र नेकपा एमालेका करीब दुई दर्जन नेता तथा कार्यकर्ता नेपाल कम्युनिष्ट पार्टी (माओवादी केन्द्र)मा प्रवेश गरेका छन् ।उनीहरूलाई माओवादी केन्द्रका अध्यक्ष पुष्ले‍पकमल दाहाले पार्टीमा स्वागत गरेका छन् । 

माओवादी केन्द्रले दिएको जानकारी अनुसार रौतहट एमालेका स्थानीय नेता कामेश्वर प्रसाद साह कानूसहितका कार्यकर्ता पार्टी प्रवेश गरेका हुन् । त्यस्तै सुदूरपश्चिमबाट नेपाली काँग्रेसमा क्रियाशील पूर्वशिक्षक जयराज भट्ट, व्यवसायी विष्णु भट्ट र पत्रकार विनोदप्रसाद भट्ट पार्टीमा प्रवेश गरेको माओवादी केन्द्रले जनाएको छ । 

---

आफ्नै निवास खुमलटारमा पार्टी प्रवेश गराउँदै अध्यक्ष दाहालले मधेस प्रदेशमा मधेसी जनताको पहिचान र अधिकारको लागि लड्ने पार्टी माओवादी केन्द्र नै भएको बताए ।  मधेसमा मात्र नभई देशैभरि माओवादी केन्द्रमा फर्किने र प्रवेश गर्ने लहर नै चलेको उनको भनाइ थियो ।