संसद्‍मा झलनाथ खनालले भने - 'नाे एमसीसी'

काठमाडाैँ – नेकपा एकीकृत समाजवादी पार्टीका सम्मानित नेता तथा पूर्व प्रधानमन्त्री झलनाथ खनालले यथास्थितिमा अमेरिकी सहयोग परियोजना एमसीसी कुनै पनि हालतमा पारित गर्न नसकिने बताएका छन् ।

आज प्रतिनिधि सभा बैठकमा बोल्दै नेता खनालले उक्त एमसीसी सम्झाैतमा रहेका केही बुँदा नसच्याइकन यथास्थितिमा पास गर्न नसकिने बताए । उनले सांसदहरुलाई एमसीसी सम्झौता पारित नगर्न आग्रह समेत गरे । खनालले आफूहरु जनताको प्रतिनिधि भएकाले कुनै पनि सन्धि सम्झौतालाई राम्ररी अध्ययन गरेरमात्र पारित गर्नुपर्ने बताए ।

---

उनले एमसीसीसँग सम्बन्धित सबै दस्तावेज सदनमा वितरण गर्न सभामुखमार्फत माग गरेका छन् । उनले एमसीसी र एमसीसीसँग भएका पत्राचार पनि सदनले हेर्न पाउनुपर्ने बताए । पूर्व प्रधानमन्त्री खनालले एमसीसी सम्झौता शर्तै शर्तले बेरिएको भन्दै ती शर्तहरु आफूहरुलाई मान्य नहुने बताए ।