अछाम जिल्ला सभापतिमा पुष्प बहादुर शाह विजयी

काठमाडौँ –नेपाली कांग्रेसको अछाम जिल्ला सभापतिमा पुष्प बहादुर शाह विजयी भएका छन् । अर्का प्रतिद्धन्द्धी भरत स्वाँरलाई पराजित गर्दै शाह विजयी भएका हुन् । शाहले ७७९ मत ल्याए भने स्वाँरले ७११ मत ल्याएका थिए । शाह पार्टी सभापति शेरबहदुर देउवानिकट मानिन्छन् ।

अछाम कांग्रेसको पहिलो चरणको निर्वाचनमा कुनैपनि उम्मेदवारले ५० प्रतिशत बढी  मत ल्याउन नसकेपछि दोस्रो चरणमा मात्रै अछाम कांग्रेसले नेतृत्व पाएको हो । पहिलो चरणबाट राजन कुँवर बारिएपछि शाह र स्वाँरबीच प्रतिस्पर्धा भएको थियो ।

---