बारा कांग्रेसको सभापतिमा राजेश राय यादव विजयी

काठमाडौँ - बारा कांग्रेसको सभापतिमा राजेश राय यादव विजयी भएका छन् । सोमबार बिहान सकिएको मतगणनामा अर्का प्रतस्पिर्धी शम्भुबहादुर बुढाथोकीलाई पराजित गर्दै यादव विजयी भएका हुन् ।

दोस्रो चरणको मतदानमा यादवले १ हजार २ सय ६ मत पाएका छन् भने बुढाथोकीले १ हजार १ सय ५४ मत पाए। सभापतिमा निर्वाचित यादव र उनीसँग पराजित बुढाथोकी दुवै जना पार्टी सभापति शेरबहादुर देउवा समूहका हुन्।

---

गत बुधबार भएको पहिलो चरणको निर्वाचनमा सभापतिका तीन जना उम्मेदवारमध्ये पार्टीको विधान अनुसार कसैले पनि ५०  प्रतिशत बढी मत ल्याउन नसकेपछि आइतबार दोस्रो चरणको मतदान भएको थियो।

दोस्रो चरणको मतदानमा कुल २ हजार ४ सय ८० मतमध्ये २ हजार ४ सय ८ मत खसेको थियो।  पहिलो चरणको मतदानमा तेस्रो स्थानको मत ल्याएर दोस्रो चरणको प्रतिस्पर्धाबाट बाहिरिएका शेखर कोइराला र कृष्ण सिटौला समूहका उम्मेदवार रामानन्द यादवले राजेश राय यादवलाई समर्थन गरेका थिए।