कांग्रेसले वडा तहका पदाधिकारी तथा सदस्यलाई जिम्मेवारीविहीन जगेडामा बस्न नदिने

काठमाडौँ - नेपाली कांग्रेसले वडा समितिका कोही पनि पदाधिकारी तथा सदस्यलाई जिम्मेवारी विहीन नबनाउने भएको छ । 

विधानमा गरिएको व्यवस्था कार्यन्वयन गर्न कांग्रेस केन्द्रीय कार्यलयले गरेको परिपत्रमा कोही पनि कार्यसमितका सदस्य जिम्मेवारी विहिन बस्न नहुने बताएको हो । 

---

विधानले तोकेको कार्यसमितिका पदाधिकारी र सदस्यको काम कर्तव्य र अधिकार प्रभावकारी ढंगले कार्यन्वयन गर्न गाउँपालिका वडाको हकमा विधानको धारा ६(५)(ग) र नगरपालिकाको हकमा विधानको धारा ७(५)(ग) ले दिएको अधिकार प्रयोग गरी नियमावलीको नियम २२ उपनियम(२) बमोजिम सभापतिले अबिलम्ब कार्यसमितिका पदाधिकारीको कार्यविभाजन गरी जिम्मेवारी तोक्ने उल्लेख छ । 

वडा कार्यसमितिले कार्ययोजना बनाइ कुनै पनि सदस्यलाई खाली हात हुन नदिने गरी आवश्यकता अनुसार जिम्मेवारी प्रदान गर्न परिपत्र गरिएको हो । 

कार्यसमितिका कुनै सदस्यलाई वडाबाट जागिर, पढाइका सिलसिलामा बाहिर रहेका व्यक्तिहरुको अभिलेख राख्ने सम्पर्क समन्वय तोक्ने जिम्मेवारी अनिवार्य दिन पनि केन्द्रीय कार्यलयले निर्देशन दिएको छ ।