विप्लव नेकपाको केन्द्रीय समिति बैठक बस्दै, निर्वाचनबारे निर्णय हुने

काठमाडौँ- नेत्रबिक्रम चन्द विप्लव नेतृत्वको नेपाल कम्युनिस्ट पार्टीको केन्द्रीय समितिको बैठक आज बस्दैछ । बैठक कपिलवस्तु शिवगढीस्थित आफ्नै कार्यालयमा बिहान ८ बजे बस्ने केन्द्रीय कार्यालयले जनाएको छ । 

कार्यालयकाअनुसार आफ्नै केन्द्रीय कार्यालयमा पहिलो पटक नेकपा केन्द्रीय समिति बैठक बस्न लागेको हो । केन्द्रीय समिति बैठकमा एमसीसी र स्थानीय निकायको निर्वाचनबारे छलफल हुने प्रवक्ता खड्गबहादुर विश्वकर्माले जानकारी दिए । उनकाअनुसार बैठकले स्थानीय तहको निर्वाचनमा भाग लिने/नलिनेबारे निर्णय गर्ने छ ।

---

आगामी स्थानीय निर्वाचनमा भाग लिन नहुने भन्दै नेता-कार्यकर्ताले विरोध र खबरदारी गरिरहेका छन् । नेकपामा आगामी निर्वाचनमा भाग लिने/नलिनेबारे दुईथरी मत छ ।