सरकार छाड्न दाहाल-नेपाललाई कांग्रेस केन्द्रीय सदस्य भट्टराईको चुनौती

दमौली - नेपाली कांग्रेसका केन्द्रीय सदस्य गोविन्द भट्टराईले माओवादी अध्यक्ष पुष्पकमल दाहाल प्रचण्ड र नेकपा एकीकृत समाजवादीका अध्यक्ष माधवकुमार नेपाललाई सरकार छाड्न चुनौती दिएका छन् ।

तनहुँको आँबुखैरेनीमा कार्यकर्ता पार्टी प्रवेश गराउन आयोजित कार्यक्रममा बोल्दै उनले सरकारमा बसेर द्वैध चरित्र देखाएको भन्दै दुई नेतालाई सरकार छोड्न चुनौती दिएका हुन् । 'सरकारमा बसेर एमसीसी पारित गर्दा राष्ट्रघाती नदेख्ने अहिले प्रधानमन्त्रीको आलोचना गर्दै हिँड्ने ?' उनले प्रश्न गरे, ''एमसीसी पास पनि गर्ने अनि राष्ट्रघाती भन्ने तर चुनावमा तालमेलको कुरा गर्न सुहाउँछ ?' 

---

एमसीसीलाई राष्ट्रघाती नै भन्ने हो भने सरकार छाड्न र चुनावी तालमेलको कुरा नगर्न उनले चेतावनी दिए ।

आँबु २ मा आयोजित कार्यक्रममा माओवादीबाट विजयी वडा सदस्य धनराज गुरुनसहित ३० कार्यकर्ता कांग्रेस प्रवेश गरेको जिल्ला सचिव लक्ष्मीभक्त खनालले जानकारी दिए ।