काठमाडौँ - जसपा संघीय परिषद् अध्यक्ष डा. बाबुराम भट्टराई, माओवादी केन्द्रका नेता बर्षमान पुन र राप्रपा नेतृ तथा नायिका रेखा थापाबीच सोमबार विमानस्थलमा जम्काभेट भेट भयो ।  एयरपोर्टमा तीन जना एक साथ बसेको तस्बिर डा. भट्टराईले सामाजिक सन्जालमा राखेका छन् ।  

एक ताका माओवादीमै रहेका तीन जनाबीचको जम्काभेटपछि बाबुरामले ‘नलाऊ माया दुइतिर..’ भनेर गीत गाउनेहरू तीनतिर भएको भन्दै ठट्टा गरेका छन् । एकताका एक साथ रहेका  उनीहरू अहिले भने तीनै जना तीन पार्टीमा छन् । भट्टराई जसपा, पुन माओवादीमै र रेखा थापा राप्रमा छिन् । 

---

'एअरपोर्टमा पुराना माओवादी सहकर्मीहरू बर्षमान पुन र रेखा थापासॅग जम्काभेट !' फोटो पोष्ट गर्दै उनले लेखेका छन्, '‘नलाऊ माया दुईतिर..’ भनेर गीत गाउनेहरू तीनतिर पो भइयो भन्ने हॅासो पनि चल्यो!