काठमाडौं मेयरको उम्मेदवारमा सिर्जना सिंहकाे नाम अनुमोदन हुँदै

काठमाडौं— कांग्रेसले काठमाडौंको मेयरको उम्मेदवारमा सिर्जना सिंहलाई बनाउने भएको छ । गठबन्धनले काठमाडौंको मेयर पद कांग्रेसलाई दिने सहमति भएसँगै कसलाई उम्मेदवारी बनाउने भन्ने अन्योल भएको थियो ।

उनलाई  मेयरमा उठाउने  विषयमा  नेताहरू बीच  सैद्धान्तिक सहमति भएकाे छ ।

---

शीर्ष नेताको सहमतिमा काठमाडौंको मेयरमा सिंहलाई उठाउन सहमति जुटेको हो । यसलाई कांग्रेस केन्द्रिय कार्यसम्पादन समितिले अनुमोदन गर्न बाँकी रहेको छ । कांग्रेसकी महाधिवेशन प्रतिनिधि रहेकी सिंह नेता प्रकाशमान सिंहकी पत्नीसमेत हुन् ।

अन्य महानगरका र उपमहानगरको भने निर्णय भइसकेको छैन्  । कांग्रेसको कार्यसम्पादन बैठकले बाँकी उम्मेदवारको टुंगो लगाउने छ । सभापति एवम् प्रधानमन्त्री शेरबहादुर देउवाले उम्मेदवार छान्न बिहीबारदेखि पार्टीभित्र शीर्ष नेताहरूसँग छलफल गरिरहेका छन् ।