कांग्रेसले रुखमा भोट हाल्छौं भन्दा कारबाही गर्छु भन्ने देउवा कस्ता नेता हुन् ? : ओली

काठमाडौँ– नेपाल कम्युनिष्ट पार्टी (एमाले)का अध्यक्ष तथा पूर्व प्रधानमन्त्री केपी शर्मा ओलीले नेपाली कांग्रेसका कार्यकर्ताले पार्टीको चुनाव चिन्ह रुखमा भोट हाल्छु भन्दा नेतृत्वले कारबाहीको धम्की दिनु अलोकतान्त्रिक चरित्र भएको बताएका छन् । 

गठबन्धन पाँचतिर मुख फर्किएका लुटीखानेहरूको झुन्ड भएको भन्दै उनीहरू आफ्नो विचार, सिद्धान्त, निष्ठा र आफ्नो पार्टीको चुनाव चिन्हसँग पनि कुनै लगाव नभएको ओलीको भनाई थियो । 

---

‘कांग्रेसले आफ्नो पार्टीको चुनाव चिन्हमा मतदान गर्न नपाउने, हसियाँ–हतौडामा मतदान गरे गठबन्धन २० वर्ष लाने रे !,’ रुपन्देहीमा आयोजित चुनावी सभामा ओलीले भने, ‘ कांग्रेसले रुखमा भोट हाल्छौं भन्दा कारबाही गर्छु भन्ने कस्तो चरित्र, कस्तो विवेक हो ?’