एमालेले आज काठमाडौँमा चुनावी सभा गर्दै, ओलीले सम्बोधन गर्ने

काठमाडौँ - नेकपा एमालेले आज काठमाडौँमा चुनावी सभा गर्ने भएको छ । भृकुटीमण्डपमा आज चुनावी सभा गर्न लागेको हो ।

सभामा एमाले अध्यक्ष केपी शर्मा ओलीले सम्बोधन गर्ने काठमाडौँ जिल्ला कमिटी सचिव राजेश शाक्यले जानकारी दिए । ‘नेकपा (एमाले)ले आज गर्ने सभा स्थानीय तह निर्वाचन केन्द्रित अन्तिम सभा हो,’ शाक्यले भने, ‘देशभरी नै सन्देश दिने उदेश्यले काठमाडौँमा अन्तिम चुनावी सभा गर्न लागेका हौँ ।’

---

आजको सभामा काठमाडौँ महानगरपालिकासहित काठमाडौँ जिल्लाका ११ वटै पालिकाका एमाले तर्फका उम्मेदवार आ–आफ्नो पालिकाको जुलुस र झाँकीसहित दिउँसो २ बजे भृकुटी मण्डपमा भेला हुने पनि शाक्यले जानकारी दिए ।

स्थानीय तह निर्वाचनअन्तर्गत आज प्रचार–प्रसार गर्ने आज अन्तिम दिन हो । आज रातिदेखि मौन अवधि सुरु हुँदैछ ।