हृदयघातले उपमेयरका उम्मेदवारको मृत्यु

बुटवल - कपिलवस्तुको महाराजगन्ज नगरपालिकाका उपप्रमुख पदका उम्मेदवार शुभावती कुर्मीको हृदयघातका कारण मृत्यु भएको छ । पारिवारिक स्रोतका अनुसार राति १ बजे उनको निधन भएको हो ।

चुनावी दौडधुप तीब्र भैरहेको बेला कूर्मीको मृत्युले महाराजगन्जमा सन्नटा छाएको छ । उनी नेपाली काँग्रेसकाका तर्फवाट उम्मेदवार रहेको कांग्रेस कपिलवस्तुका सभापति तथा महाराजगन्ज नगरपालिकाका प्रमुख पदका उम्मेदवार अब्दुल कलामले बताए । उनी यसअघि पनि सोही पदमा निर्वाचित थिइन् । अब सो पालिकाको निर्वाचन के हुने भन्ने विषय अन्योलमा देखिएको छ ।

---