निर्वाचन मुलभूत रूपमा सफल भयोः दाहाल

काठमाडौं – नेकपा माओवादी केन्द्रका अध्यक्ष पुष्पकमल दाहालले स्थानीय तह निर्वाचन आधारभूत र मूलभूतमा सफल भएको बताएका छन् । संघीय संसदमा मंगलबार पेश भएको नीति तथा कार्यक्रममाथिको छलफलमा बोल्दै उनले निर्वाचनमा जनताहरूको उलेख्य सहभागिता रहेको बताए । 

प्रमुख प्रतिपक्षी दलका नेताहरुले आफ्नो पक्षमा नतिजा नआएपछि चुनाव धाँधलीपूर्ण भएको भने पनि निर्वाचन मुलभूत र आधारभूत रुपमा निर्वाचन सफल भएको दाहालले बताए । 

---

‘यहाँ केही मान्य सदस्यहरुले अतिरञ्जीत ढंगले कुरा राख्नुभयो अझ मूख्य रुपमा प्रमुख प्रतिपक्षी दलको नेताले त मानौँ यो निर्वाचन सफल नै भएन सम्पूर्ण रुपले आतंक मच्याइयो, दमन गरियो भन्ने किसिमले व्याख्या गरियो भन्नुभयो । मलाई अहिले त्यसको धेरै खण्डन आलोचनातिर जानु त छैन,’ उनले एमाले अध्यक्ष केपी शर्मा ओलीलाई लक्षित गर्दै भने, ‘लज्जास्पद अन्तरघातका कारण हामीले धेरै ठाउँमा पराजय भोग्नुपर्यो भनेर उहाँले भन्नुभयो । मैले नबुझेको कुरा त्यो हाम्रो लज्जास्पद अन्तरघातका कारण हो कि आफैँभित्रको अन्तरघात मुख्य हो ?’