ओलीलाई प्रचण्डको जवाफ– माओवादी तपाईंसँग आँखामा आँखा जुधाएर बहस गर्न तयार छ

काठमाडौं– नेकपा माओवादी केन्द्रका अध्यक्ष पुष्पकमल दाहालले नेकपा एमालेका अध्यक्ष केपी शर्मा ओलीलाई आफ्नो पार्टी एमालेसँग सदनमा आँखामा आँखा जुधाएर बहस गर्न तयार रहेको बताएका छन् । 

सरकारले मंगलबार पेश गरेको नीति तथा कार्यक्रममाथिको छलफलमा शनिबार बोल्दै दाहालले आफ्नो पार्टीलाई ओलीले चुनावअगाडि हेयको दृष्टिले हेरे पनि आफूहरू बलियो शक्तिका रूपमा छाएको टिप्पणी गरेको हुन् । 

---

‘निर्वाचनमा उहाँले माओवादी केन्द्र र एकीकृत समाजवादीका मलाई र माधवकुमार नेपाललाई सबैभन्दा बढी प्रहार गर्नुहुन्थ्यो । माओवादी केन्द्र अब वैशाख ३० गतेपछि भेटिँदैन । गुगलमा मात्र भेटिन्छ रे भन्नुभएको थियो,’ ओलीलाई लक्षित गर्दै उनले भने, ‘आज म यो सम्मानित सदनबाट उहाँलाई भन्न चाहन्छु, हामी तपाईंसँग आँखामा आँखा जुधाएर अहिले पनि बहस गर्न तयार छौँ ।’