बागमती प्रदेश दलको बैठकमा नेपाल समूहका सांसद सहभागी हुने

हेटौंडा : बागमती प्रदेशको नेकपा एमाले संसदीय दलको बैठक बुधबार दिउँसो १ बजे काठमाडौंमा बस्दैछ । एमाले दलका नेता तथा मुख्यमन्त्री डोरमणि पौडेलले काठमाडौंमा दलको बैठक बोलाएका हुन् । 

संसदीय दलको बैठकमा माधवकुमार नेपाल समूहका सांसदहरू सहभागी हुने भएका सांसद अरुण नेपाल जानकारी दिए । एमाले एक भएको अवस्थामा मिलेर जानुपर्ने उनले बताए । यस्तै प्रदेशका अर्का सांसद मुनु सिग्देलले पनि दलको बैठकमा सहभागी हुने जानकारी दिइन् । उनले अहिलेसम्म नजाने भन्‍ने खबर प्राप्त नभएकाले बैठकमा सहभागी हुने बताइन् । 

---

बुधबार हुने दलको बैठकमा मुख्यमन्त्री पौडेलविरुद्ध दर्ता गरिएको अविश्वासको प्रस्ताव फिर्ता निर्णय हुनेछ । यस्तै समितिहरू परिवर्तन गर्ने विषयमा केन्द्रित हुने सांसद जुनेली श्रेष्ठले जानकारी दिइन् । 

एमाले दलको पहिलो बैठकमा मन्त्रिमण्डल विस्तारबारे भने छलफल नहुने उनको भनाइ छ । हाल बागमती प्रदेशका ३ मन्त्रालय रिक्त छन् ।