माओवादीको पूर्व स्थायी कमिटी बैठक स्थगित

काठमाडौं – नेकपा माओवादी केन्द्रले शनिबार पार्टी कार्यालय पेरिसडाँडामा दिउँसो ३ बजेका लागि डाकेको पूर्व स्थायी कमिटी बैठक स्थगित भएको छ । आइतबार बिहान ८ बजे बस्नेगरी बैठक स्थगित भएको हो ।

माओवादीका स्थायी कमिटी सदस्य हरिबोल गजुरेलका अनुसार सबै सदस्यहरू उपस्थित हुन सक्ने अवस्था नभएकाले बैठक स्थगित भएको हो । ‘मुख्य कारण यही हो । अरु पनि विविध कारणहरू छन् ।’ इकागजलाई गजुरेलले भने ।

---

पार्टीले मुख्यगरी स्थानीय निर्वाचनको समीक्षा गर्न बैठक डाकेको थियो । पार्टीले गत बुधबार र बिहीबार राजधानीमा देशभरबाट चुनाव जितेका जनप्रतिनिधिहरूलाई बोलाएर दुई दिने प्रशिक्षण दिएको थियो । बैठकमा प्रशिक्षणका उपलब्धिबारे पनि छलफल हुने कार्यक्रम थियो ।