काठमाडौँबाट संघीय चुनाव लड्ने घोषणा गरेकी मानुषी भन्छिन्– गृहकार्य भइरहेको छ

काठमाडौँ – आगामी संघीय प्रतिनिधिसभा सदस्यको निर्वाचनमा युवाहरूले धमाधम उम्मेदवारी घोषणाा गर्न थालेका छन् ।  जनता समाजवादी पार्टीकी नेतृ मानुषी यमी भट्टराईले आगामी संघीय संसद्को निर्वाचनमा काठमाडौंबाट उम्मेदवारी दिने भएकी छन् । 

भट्टराईले इकागजसँगको कुराकानीमा साथीहरुसँगको सल्लाहपछि आफूले चुनाव लड्ने निधो गरेको बताइन् । 

---

‘साथीहरुसँग सरसल्लाह गर्दा सबैले उठ्नुपर्छ भन्नुभयो । उहाँहरुको कुरामा म सहमत भएँ,’ उनले भनिन्, ‘यस विषयमा साथीहरुसँग थप छलफल भइरहेको छ, गृहकार्य भइरहेको छ ।’

यद्यपि उनले काठमाडौंको कुन क्षेत्रबाट चुनाव लड्ने भन्नेमा निश्चित भइनसकेको बताइन् । उनका अनुसार उनी क्षेत्र नम्बर ५ वा ७ बाट उम्मेदवारी दिने सोचमा रहेकाे र दुई मध्ये एक क्षेत्र छनाैट गरी चाँडै घोषणा गर्ने तयारीमा रहेको बताइन् । 

मानुषी यमी भट्टराई जनता समाजवादी पार्टीका संघीय परिषद् अध्यक्ष डा. बाबुराम भट्टराईकी छोरी हुन् ।