अर्थमन्त्री शर्मालाई बास्कोटाले भने : प्रश्‍न उठेपछि राजीनामा दिने कि नदिने ?

काठमाडौँ- प्रमुख प्रतिपक्षी दल नेकपा एमालेका सांसद गोकुल बास्कोटाले अर्थमन्त्री जनार्दन शर्माले नैतिकताका आधारमा राजीनामा दिनुपर्ने माग राखेका छन् । सोमबारको प्रतिनिधि सभा बैठकमा उनले शर्मालाई प्रश्‍न उठेपछि राजीनामा दिने कि नदिने भन्दै प्रश्‍न गरे ।

‘आफ्नो व्यक्तिगत स्वार्थ पूर्तिका लागि कर र भन्सार दररेट तलमाथि गरेकाे भनेर अर्थमन्त्रीमाथि प्रश्‍न उठेपछि राजीनामा दिने कि नदिने, छानबिनमा सहयोग गर्ने कि नगर्ने ?,’ उनले प्रश्‍न गरे, ‘यो जनताको व्यवस्था हो, कुनै सामन्तीहरूको व्यवस्था होइन ।’

---

सञ्‍चार मन्त्री भएको बेला आफूमाथि प्रश्‍न उठेपछि राजीनामा दिएर छानबिनमा सहयोग गरेको उनले जिकिर गरे । ‘म आफैँ उदाहरण दिन्छ चाहन्छु, प्रश्‍न उठ्यो राजीनामा दिएँ । छानबिन गरौँ, दोषी हुँदा सजायको भागिदार हुनुपर्दछ ।’ उनले अर्थमन्त्रीमाथि छानबिन गर्न समिति समेत बनाउनुपर्ने माग गरे । 

अर्थमन्त्री शर्माले बोल्ने भएपछि एमालेका सांसदहरूले बैठक बहिष्कार गरेर बाहिरिए ।