प्रायः सबै दलका नेताहरूसँग कुरा भयो, तर, धन्यवाद भन्नबाहेक विकल्प रहेन : रवि लामिछाने

काठमाडौं– रवि लामिछानेले नयाँ पार्टी घोषणा गरेका छन् । उनले मंगलबार सभागृहमा आयोजना गरेका राजनीतिक घोषणा सभालाई सम्बोधन गर्दै नयाँ पार्टी घोषणा गरेका छन् । 

‘म कुनै पनि राजनीतिक दलमा प्रवेश गर्दिनँ,’ उनले भने, ‘मेरो प्रायः सबै दलका नेताहरूसँग कुरा भयो । तर, सबैलाई धन्यावाद भन्नबाहेक मसँग कुनै विकल्प रहेन । सबै दलमा राम्रो मान्छे नभएका होइनन् । तर, तिनले बोलेनन् । कुरेर बसे । पर्खेर बसे ।’ उनले देश बनाउने म्याण्डेट लिएर आएको समेत बताए ।

---

‘नयाँ राजनीतिक पार्टी लिएर जान सकिएन भने पुरानाभित्र विलीन हुनेछु,’ उनले भने, ‘म त्यहाँभित्र विलीन हुन चाहन्न । नयाँ दल निर्माण गरेर । क्षमतावान मान्छेको साथ लिएर यो देश बनाउने म्याण्डेट लिएर आएको छु । नयाँ दल राष्ट्रिय स्वतन्त्र पार्टी ।’