श्रीलंका संकटको स्थितिबाट बाहिर ल्याउन कांग्रेसको अपिल

काठमाडौं– नेपाली कांग्रेसले श्रीलंकाले गम्भीर आर्थिक संकट व्यहोरिरहेको घटनालाई संवेदनशीलतापूर्वक लिएको छ । यो प्रतिकुल स्थितिबाट श्रीलंकालाई बाहिर ल्याउन विकसित राष्ट्रहरु र अन्तर्राष्ट्रिय वित्तीय संस्थाहरुलाई यो बैठक अपीलसमेत गरेको हो ।

असार २७ देखि सुरु भएको नेपाली कांग्रेसको बैठकको निर्णयमा भनिएको छ, ‘दक्षिण एसियाली क्षेत्रीय सहयोग संगठन सार्कको अध्यक्ष राष्ट्रका रुपमा नेपालले अन्य सबै देशलाई श्रीलंका र त्यहाँका नागरिकले भोग्नुपरेको पीडामा हरसंभव सहयोग र समन्वयका लागि अग्रसरता लिन आग्रह गर्दछ ।’
 

---