प्रेस युनियनमा शिव लम्साल विजयी, हारिन् अनिता बिन्दू

काठमाडौं । नेपाली कांग्रेसको सुभेच्छुक संस्था नेपाल प्रेस युनियनको अध्यक्षमा शिव लम्साल विजयी भएका छन् । अध्यक्षकी प्रत्यासी अनिता विन्दूलाई हराउँदै लम्साल विजयी भएका हुन् ।

लम्साल शेखर कोइरालासमूहबाट अध्यक्षमा प्यानल बनाएर चुनावी मैदानमा उत्रिएका थिए । अन्य पदाधिकारीमा पनि लम्साल प्यानलकै बाहुल्य भएको छ । मत गणना सकिएको छ । तर मत परिणाम घोषणा भने गरिएको छैन ।

---

युनियनको ९ औं अधिवेशनबाट भएको मतदानबाट बरिष्ठ उपाध्यक्षमा सरोज अधिकारीलाई हराउँदै प्रेम केसी विजयी भए । त्यस्तै महासचिवमा दिलिप पौडेल विजयी भएका छन् । उनले संस्थापन पक्षका जगन्नाथ दुलाललाई पछि पारेका हुन् ।

त्यस्तै  खुला उपाध्यक्षमा लम्साल प्यानलबाट उम्मेदवार बनेका नकुल अर्याल निर्वाचित भए । खुला उपाध्यक्षमै अर्को एक कोटामा संस्थापन पक्षका भिष्मराज ओझा बिजयी भएका छन् भने कोषाध्यक्षमा पनि संस्थापन पक्षका माधव धिताल बिजयी भएका छन् ।
मतपरिणाम आउन बाँकी रहेको छ।