कम्युनिष्ट पार्टी भन्‍नेहरु एमालेको सरकार ढाल्न कांग्रेसको पुच्छर बने : ओली

काठमाडौँ- नेकपा एमालेका अध्यक्ष केपी शर्मा ओलीले गठबन्धनले फेरि पनि पाँच वर्ष सरकार चलाए मुलुक अस्थिपञ्जर बन्‍ने बताएका छन् ।

शनिबार काठमाडौँमा नेकपा एमाले प्रदेश सम्पर्क कमिटी प्रदेश १ भेलालाई सम्बोधन गर्दै ओलीले १ वर्षको अवधिमा नै वर्तमान गठबन्धनको सरकारले मुलुकलाई संकटको बाटोतर्फ अघि बढाएको भन्दै फेरि पनि पाँच वर्ष सरकार चलाए मुलुक अस्थिपञ्जर बन्‍ने बताएका हुन् ।

---

उनले देश बचाउन, देशलाई अघि बढाउन र देशको विकास गर्न एमालेको बहुमत आवश्यक पर्ने जिकिर गरे । ओलीले यस पटकको निर्वाचनमुखी महासंग्राम जसरी भएपनि राष्ट्रवादी देशभक्ति शक्तिले जित्नुपर्ने उल्लेख गरे । एसपीपीका नाममा विदेशी हतियार भित्र्याएर नेपाली युवाहरुलाई बर्बाद पार्नेहरुलाई जनताले ठीक पार्नुपर्ने उनको भनाइ छ ।

ओलीले कम्युनिष्ट पार्टी भन्नेहरु एमालेको सरकार ढाल्न कांग्रेसको पुच्छर बनेको तर्क समेत गरे ।​ उनले समृद्ध नेपाली, सुखी नेपालीको आकांक्षालाई पूरा गर्नका लागि एमालेमा जोडिन आह्वान समेत गरे ।