कर्णालीका रिक्त तीन मन्त्रालयको जिम्मेवारी कानुन र कृषिमन्त्रीलाई

कर्णाली  : कर्णाली प्रदेश सरकारका मुख्यमन्त्री महेन्द्रबहादुर शाहीले रिक्त तीन मन्त्रालयको पदपूर्ति गरेका छन् । आर्थिक मामिला तथा योजनामन्त्री प्रकाश ज्वाला, सामाजिक विकासमन्त्री दल रावल र उद्योग, पर्यटन, वन तथा वातावरणमन्त्री नन्दसिंह बुढाले दिएको राजीनामा मुख्यमन्त्री शाहीले स्वीकृत गर्दै सरकारमा रहेका अन्य मन्त्रीहरूलाई जिम्मेवारी दिएका हुन् । 

उनले तीनै राजीनामा स्वीकृत गरेपश्चात रिक्त उद्योग, पर्यटन, वन तथा वातावरण मन्त्रालयको जिम्मेवारी आन्तरिक मामिला तथा कानुनमन्त्री नरेश भण्डारीलाई दिएका छन् । त्यस्तै, आर्थिक मामिला तथा योजना र सामाजिक विकास मन्त्रालयको जिम्मेवारी भूमि व्यवस्था, कृषि तथा सहकारीमन्त्री विमला केसीलाई दिएका छन् । (रासस) 

---