अफताब आलमलाई पार्टीले उम्मेदवार बनाउँदैन : गगन थापा

काठमाडौँ- नेपाली कांग्रेसका महामन्त्री गगन थापाले अफताब आलमलाई पार्टीले उम्मेदवार नबनाउने बताएका छन् ।

शुक्रबार मदन पुरस्कार विजेता साहित्यकार रामलाल जोशीद्धारा लिखित पुस्तक ‘बाआमा’ सार्वजनिक कार्यक्रममा बोल्दै थापाले पार्टीले आलमलाई उम्मेदवार नबनाउने बताएका हुन् ।

---

कार्यक्रममा साहित्यकार नयनराज पाण्डेले 'इँटाभट्टामा मान्छे जलाएको अभियोग लागेकालाई कांग्रेसले उम्मेदवार लागेकाे उल्लेख गर्दै यसबारे कथा लेख्ने दिन आउँदै छ भनेका थिए ।

महामन्त्री थापाले जवाफमा कांग्रेसले उनलाई उम्मेदवार नबनाउनेमा ढुक्क हुन आग्रह गरे ।

महामन्त्री थापाले जवाफमा भनेका थिए, 'संविधानले वर्जित गरेको मात्र होइन नैतिकताको कसीमा राखेर हेर्दाखेरि छाति ठोकेर हो यो निर्णय हामीले गरेको, हामीले गरेको भन्न नसक्ने कुनै पनि निर्णय हामी भएको ठाउँबाट हाम्रो पार्टीले गर्दैन । यति कुरा आश्वस्त पार्छु ।'

कांग्रेसले जिउँदै मान्छे जलाउनेलाई उम्मेदवार बनाएको भन्दै चौतर्फी विरोध भइरहेको छ ।