भ्रष्टाचारकाे आरोप लागेका गच्छदार कांग्रेसबाट उम्मेदवार सिफारिस

काठमाडौँ- भ्रष्टाचारको आरोपमा संसद्‍बाट निलम्बनमा परेका विजयकुमार गच्छदारलाई नेपाली कांग्रेसले उम्मेदवार सिफारिस गरेको छ ।

सुनसरी क्षेत्र नम्बर ३ को क्षेत्रीय समितिले सर्वसम्मत रूपमा गच्छदारलाई सिफारिस गरेको हो ।

---

अख्तियार दुरुपयोग अनुसन्धान आयोगले बालुवाटारको ललिता निवासको जग्गा व्यक्तिको नाममा गर्ने काममा संलग्न रहेको आरोपमा गच्छदारमाथि विशेष अदालतमा मुद्दा दायर गरेको छ । गच्छदारले विशेष अदालतमा मुद्दा पनि खेपिरहेका छन् ।