एक्सन रुमको प्रभावकारी सञ्‍‍चालन आवश्यक : उपप्रधानमन्त्री पोखरेल

काठमाडौं : उपप्रधानमन्त्री ईश्‍वर पोखरेलले ‘एक्सन रुम’ को प्रभावकारी सञ्‍चालन आवश्यक रहेको बताएका छन् । एक्सन रुमले नेपालको गौरवका आयोजना, अन्य विकास निर्माण लगायको बारेमा भर्चुअल मोनिटरीङ, छलफल र सहकार्यमा जोड दिने गरेको छ । उनले त्यसका लागि कार्ययोजना बनाउन निर्देशन कर्मचारीहरुलाई निर्देशन समेत दिएका छन् । उनले सिंहदरवार स्थित प्रधानमन्त्री तथा मन्त्रिपरिषद् कार्यालयमा रहेको ‘एक्सन रुम’को निरीक्षण गर्दै त्यस्तो निर्देशन दिएका हुन् । 

उपप्रधानमन्त्री पोखरेलले ‘एक्सन रुम’बाट हाल भैरहेका समग्र गतिविधि, सञ्‍चालन, र काममा देखापरेका समस्याबारेमा जानकार लिएका थिए । उनले प्रभावकारी कामका निम्ति तत्काल सुधार गर्नुपर्ने आवश्यकता औल्याए । सो अवसरमा उनले राष्ट्रिय गौरवका आयोजनाहरुको अनुगमन तथा अन्य देखा परेका समस्या समाधानका लागि एक्सन रुमको उपयोग गरिने जानकारी पनि दिए । साथै, सम्वन्धित आयोजनाका पदाधिकारीहरुले देखापरेका समस्या समाधान गर्नलाई यस मार्फत प्रभावकारी कार्यान्वयनमा ल्याइने उनको भनाइ छ । 

---

‘नतिजामुखि परिणाम दिनेगरी तत्काल समस्या समस्याहरुको समाधान सहित एक्सन रुमको प्रभावकारी सञ्‍चालन गर्नेका लागि कार्ययोजना बनाउनुस’ उनले कर्मचारीलाई निर्देशन दिदैं भने । प्रधानमन्त्री तथा मन्त्रिपरिषद् कार्यालय अन्तर्गतको नतिजा व्यवस्थापन क्षेत्र हेर्ने सहसचिव डा. तिर्थ ढकालले ‘एक्सन रुम’को बारेमा जानकारी गराएका थिए ।