देशभरबाट ६ हजार २ जनाको उम्मेदवारी दर्ता

काठमाडौँ- मङ्सिर ४ गते हुने प्रतिनिधि तथा प्रदेश सभा निर्वाचनका लागि देशभरबाट ६ हजार २ जना उम्मेदवारले निर्वाचन आयोगमा मनोनयन पत्र दर्ता गराएका छन् ।

प्रतिनिधिसभा तर्फ कूल २ हजार ५२६ र प्रदेश सभा सदस्यका लागि ३ हजार ४७६ जनाले उम्मेदवारले मनोनयन पत्र दर्ता गराएका हुन् । प्रतिनिधि सभातर्फ पुरुष २ हजार २९१ र महिला २ सय ३५ जनाले मनोनयन पत्र दर्ता गराएको आयोगका प्रवक्ता शालिग्राम पौडेलले जानकारी दिए । 

---

त्यसैगरी,प्रदेशसभा तर्फ कूल ३ हजार ४७६ जनाले उम्मेदवारी मनोनयन पत्र गराएका छन् ।  पुरुष उम्मेदवार ३ हजार १७८, महिला २ सय ९७  र अन्यमा १ जना रहेको प्रवक्ता पौडेलले जानकारी दिए ।