भीम रावलले गरे ओलीको आलोचना, पार्टी बिगारेको आरोप (पूर्ण पाठ)

काठमाडौ– नेकपा एमलेका नेता भीम रावलले पार्टी अध्यक्ष केपी ओलीले पार्टी बिगारेको आरोप लगाएका छन् । आफ्नो उम्मेदवारीबारे जानकारी दिन गरिएको पत्रकार सम्मेलनमा उनले एमाले अध्यक्ष केपी ओलीको आलोचना गर्दै पार्टीभित्र मनलागी गरेको आरोप लगाए ।

ओलीकै कारण तत्कालीन नेकपा एकता कायम रहन नसकेकाे उनकाे भनाइ छ । नेकपा कायम राख्ने भन्ने प्रयास स्वयं ओलीले अस्वीकार गरेको उनले आराेप लगाए। माधव नेपालले अलग पार्टी खोल्ने तय भएपछि १० बुँदे पक्षधरबीच भएको सहमतिको कार्यान्वयन नभएको समेत उनले बताए । 'अध्यक्ष स्वयंबाट समस्या बल्झाइएको छ । यो नैतिकताविपरीत होइन र ?' उनले भने ।

---