गाडीमा एमाले कार्यकर्ता बोकेकोबारे महाकाली नगरपालिकाले माग्यो माफी

दार्चुला । शुक्रबार केपी ओलिको पहिलो चुनावी सभालाई सम्बोधन गर्ने कार्यक्रममा एमाले आफ्नो ट्रिपरले कार्यकर्ता बोकेको घटनाप्रति महाकाली नगरपालिकाले माफी मागेको छ । नगरपालिकाको आफ्नो फेसबुक पेजबाट अब यस्तो नगर्ने प्रतिबद्धतासहित माफी मागेको हो ।

ओलीको सभा दार्चुलाबाट सुरु भएको थियो । उक्त कार्यक्रममा पूर्व मन्त्री गणेश ठगुन्नाको नेतृत्वमा कार्यकर्ताहरुलाई नगरपालिकाको ट्रिपरमा राखेर ल्याइएको थियो । कार्यक्रममा सहभागी भएका नेकपा एमालेका कार्यकर्ताहरुले नारा बाजी गर्दै झन्डा फहराउदै सदरमुकाम पुगेको दृश्यले नगरपालिकाको बदनाम हुन पुगेको थियो।

---

सो बारे विभिन्न सञ्चारमाध्यममा समाचार सम्प्रेषण भएपछि नगरपालिकाले आफ्नो फेसबुक पेजबाट माफी मागेको हो । उक्त पेजमा लेखिएको छ ‘अन्जान बस गल्ती हुन पुग्यो अब उप्रान्त यस्तो गल्ती हुन दिने छैनौं ।’