कर्णालीमा फ्लोर क्रस गर्ने चार सांसदलाई पदमुक्त गर्ने एमालेको निर्णय

काठमाडौँ : कर्णाली प्रदेशमा पार्टीको ह्वीप उल्लंघन गर्दै फ्लोर क्रस गरेर माओवादी केन्द्रको सरकारलाई विश्वासको मत दिने चार जना सांसदलाई एमालेले पदमुक्त गरेको छ ।  

बालुवाटारमा बसेको एमाले महाधिवेशन आयोजक समिति बैठकले कर्णालीमा फ्लोर क्रस गर्ने प्रकाश ज्वाला, नन्दसिंह बुढा, अमर थापा र कुर्मराज शाहीलाई पार्टीबाट निष्काशन गर्ने निर्णय गरेको हो ।

---

एमालेले पार्टीबाट निष्काशन गरेपछि कर्णालीका चार एमाले सांसदको पद गएको छ । अब उनीहरु सांसदविहिन भएका छन् । कर्णाली प्रदेशका मुख्यमन्त्री महेन्द्र शाहीले भने फ्लोर क्रस गर्ने चारमध्ये तीन जनालाई मन्त्रीमा नियुक्त गरिसकेका छन् ।