कास्की-२ मा राष्ट्रिय स्वतन्त्र पार्टीको अग्रता कायमै

पोखरा- कास्की क्षेत्र नं २ मा राष्ट्रिय स्वतन्त्र पार्टीका माधवप्रसाद कंडेलको अग्रता कायमै रहेको छ । 

कास्की २ को पछिल्लो मतपरिणाम अनुसार रास्वपाका कंडेल ३ हजार ५ सय ४९ मतसहित अग्रस्थानमा छन् । उनका निकटतम् नेकपा एमालेका विद्या भट्टराईले ३ हजार ३ सय ९९ मत ल्याएकी छिन् । सोही क्षेत्रमा पाँच दलीय गठबन्धनका साझा उम्मेदवार नेकपा एकीकृत समाजवादीका श्रीनाथ बराल २ हजार ३ सय ८८ मत प्राप्त गरेका छन् । 

---

उक्त निर्वाचन क्षेत्रको प्रदेशसभा (१) मा एमालेका उम्मेदवार भीमबहादुर कार्की ३ हजार ८ सय ३४ मतसहित अग्रस्थानमा छन् । भने, राष्ट्रिय प्रजातन्त्र पार्टीका उम्मेदवार विजयबहादुर भण्डारीले ३  हजार ७ सय ४७ मतसहित कार्कीलाई पछ्याइरहेका छन् ।