मोरङ–५ (१) मा कांग्रेसका गयानन्द मण्डल विजयी

विराटनगर - मोरङको प्रदेशसभा निर्वाचन क्षेत्र ५ (१) मा नेपाली कांग्रेसका गयानन्द मण्डल गनगाई विजयी भएका छन् । सुरुवाती अग्रतालाई निरन्तरता दिंदै उनले नेकपा एमालेका सन्तोष कुमार साहलाई ५ हजार ४४१ मतले पराजित गरेका हुन् ।

७९ वर्षीय मण्डलले १४ हजार ८४३ मत प्राप्त गरेका छन् । निकटतम् प्रतिद्वन्द्वी एमालेका साहले ९ हजार ४०२ मत पाएका हुन् । मतगणना सकिए पनि निर्वाचन अधिकृतको कार्यालयले औपचारिक घोषणा भने गरेको छैन ।

---

समानुपातिकतर्फको मतपेटिकामा पनि प्रदेशसभातर्फको मतपत्र परेको हुनसक्ने भन्दै त्यसको यकिन भएपछि घोषणा गरिने निर्वाचन अधिकृतको कार्यालयले जनाएको छ । विजयी भएका मण्डल कांग्रेसका महासमिति सदस्य पनि हुन् ।

२०७० सालको संविधानसभाको निर्वाचनमा नेकपा माओवादी केन्द्रका नेता शिवकुमार मण्डलसँग ८ मतले पराजित भएका थिए । कांग्रेसभित्र उनी शेखर कोइराला समूहको राजनीतिक लाइनमा सक्रिय रहँदै आएका हुन् । मोरङ–५ (१) मा ४७ हजार ४५५ मतदाता थिए । ३३ हजार २५४ मत खसेकोमा २ हजार ५४ मत बदर भएको जनाइएको छ ।