रुकुम पूर्वमा माओवादीका पूर्णबहादुर घर्ती निर्वाचित

बुटवल। लुम्बिनी प्रदेशको एक मात्रै हिमाली जिल्ला रुकुम पूर्वको प्रतिनिधिसभा सदस्य पदमा माओवादी केन्द्रका पूर्णबहादुर घर्ती निर्वाचित भएका छन् । घर्ती १२ हजार ६ सय ६२ मत प्राप्त विजयी भए ।

लुम्बिनी प्रदेशका सभामुखसमेत रहेका पूर्णबहादुर प्रतिष्पर्धी भन्दा दोब्बर बढी मतान्तरले विजयी भएका हुन । उनका प्रतिष्पर्धी नेकपा एमालेका कैलाशकुमार मल्ल ५ हजार दुई सय ११ मत प्राप्त गरेका थिए ।

---

त्यस्तै रुकुम पूर्व प्रदेशसभा (ख) मा काँग्रेसका धनबहादुर केसी निर्वाचित भएका छन् । चार हजार ८ सय ६२ मत प्राप्त गरि केसी निर्वाचित भएका हुन् । स्वतन्त्र उम्मेदवार नरहरि खड्काले दुई हजार २ सय ४४ मत प्राप्त गरेका थिए । केसी दुई हजार ६ सय १८ मतान्तरले विजयी भएका हुन ।

यहाँ नेकपा एमालेका भावना बिसीले एक हजार ८ सय ६३, स्वतन्त्र उम्मेदवार केशव रावलले ८ सय ४०, राप्रपाका केशवचन्द्र समालले २ सय ६६ मत प्राप्त गरेका थिए । निर्वाचित केसी पहिलो पटक निर्वाचनमा भिडेका थिए । प्रदेशसभा (क) मा स्वतन्त्र उम्मेदवार सुरुल पुन मंगलबार नै निर्वाचित भइसकेका थिए ।