मोरङ-४ (१) मा पराजित भए गुरुराज घिमिरे

विराटनगर- नेपाली कांग्रेसका युवा नेता गुरुराज घिमिरे प्रदेशसभा सदस्यमा पराजित भएका छन् । घिमिरे नेकपा एमालेका जयप्रकाश चौधरीसँग ४०४ मतले पराजित भएका छन् । चौधरीले १५ हजार ४६४ मत प्राप्त गर्दा घिमिरेले १५ हजार ६० मत मात्रै प्राप्त गरेका हुन् ।

घिमिरे नेपाली कांग्रेसका प्रभावशाली युवा नेताका रूपमा चिनिँदै आएका छन् । उनले पार्टी संचालनका विषयमा सभापति शेरबहादुर देउवाको कार्यशैली ठीक नभएको भन्दै विद्रोहको आवाज व्यक्त गर्दै आएका थिए ।

---

आफ्नो पराजयलाई सामान्य रूपमा लिँदै उनले विजयी भएका चौधरीलाई बधाई समेत दिएका छन् । उनले राजनीतिमा युवा पुस्ताको सहभागिता बढ्दै गएको भन्दै खुसी समेत व्यक्त गरे ।