दैलेख क्षेत्र नम्बर २ प्रदेश सभा (क) मा भण्डारी विजयी

सुर्खेत- दैलेख निर्वाचन क्षेत्र नम्बर–२ प्रदेश सभा (क) मा गठबन्धनबाट नेपाली कांग्रेसका घनश्याम भण्डारी विजयी भएका छन् । भण्डारीले नेकपा एमालेका तिलकप्रसाद रिजालसँग एक हजार तीन सय पाँच मतान्तरले विजयी भएका  हुन् । 

भण्डारीले जम्मा खसेको मत २२ हजार ९४२ गणना गर्दा १० हजार आठ सय मत पाएका हुन् । एमालेका तिलकप्रसाद रिजालले ९ हजार ४ सय ९५ मत प्राप्त गरेका छन् । प्रदेश सभामा निर्वाचित भण्डारी दुल्लु नगरपालिकाका  पूर्व नगरप्रमुख समेत हुन् ।

---

यस्तै, राप्रपाका यज्ञबहादुर थापाले ४ सय ७८, नेमकिपाका मदन भण्डारीले  तीन सय ३७, हाम्रो नेपाली पाटी प्रेमबहादुर भन्डारीले ४ सय ७२, स्वतन्त्र उम्मेदवार पुरुषोत्तम रिजालले २ सय ७० मत प्राप्त गरेका छन् । उक्त क्षेत्रमा एक हजार ९० बदर भएका छन् ।