लमजुङ प्रदेश (२) मा कांग्रेसका भेषबहादुर पौडेल विजयी

लमजुङ- आइतबार सम्पन्न प्रनितिधिसभा तथा प्रदेशसभा निर्वाचनअन्तर्गत लमजुङ प्रदेश (२) मा गठबन्धनबाट नेपाली कांग्रेसका उम्मेदवार भेषबहादुर पौडेल विजयी भएका छन् । भर्खर सम्पन्न मत गणना अनुसार नेकपा (एमाले)का उम्मेदवार कृष्णप्रसाद अधिकारीलाई सात सय ५८ मतान्तरले पछि पार्दै पौडेल विजयी भएका हुन् ।

जिल्ला निर्वाचन कार्यालय प्रमुख नारायणप्रसाद सापकोटाका अनुसार विजयी पौडेलले १९ हजार पाँच सय ५७ मत प्राप्त गरेका छन् भने अधिकारीले १८ हजार आठ सय तीन मत प्राप्त गरेका छन् । विजयी घोषणा हुन भने बाँकी रहेको छ । समानुपातिकको मतगणना गर्न बाँकी रहेकाले समानुपातिक मत गणना सम्पन्न गरेर घोषणा गर्ने तयारी रहेको जिल्ला निर्वाचन कार्यालयले जनाएको छ ।

---

विजयी पौडेल कांग्रेसका पूर्वजिल्ला सभापति हुन् । पराजित अधिकारी एमाले जिल्ला अध्यक्ष हुन् । यी दुवै नेता बेँसीसहर नगरपालिकाकै हुन् । यस क्षेत्रमा ४१ हजार आठ सय ५७ मतगणना भएको छ ।