कांग्रेसका उपसभापति खड्काले लिए फराकिलो अग्रता

सुर्खेत - नेपाली कांग्रेसका उपसभापति तथा सुर्खेत क्षेत्र नम्बर १ प्रतिनिधिसभाका उम्मेदवार पूर्णबहादुर खड्काले फराकिलो मतको अग्रता लिएका छन् ।

खड्कालाई एमालेका उम्मेदवार धुर्व शाहीले पछ्याइरहेका छन् । उनले आफ्ना प्रतिस्पर्धी नेकपा एमालेका शाहीलाई ६ हजार ८ सय ६० मतान्तरले पछि पारिरहेका छन् ।

---

अहिलेसम्म ४९ हजार ४५ मत गणना भएको छ । त्यसमध्ये खड्काले २६ हजार ६३६ मत पाएका छन् भने एमाले नेता शाहीको पक्षमा १९ हजार ७ सय ७६ मत आएको छ ।

राष्ट्रिय स्वतन्त्र पार्टीका मोहम्मद हसरत अलीले ४ सय ५५ राष्ट्रिय प्रजातन्त्र पार्टी (राप्रपा) का छत्रपति थापाले ३ सय ८० मत पाएका छन् ।