रुपन्देही ३ (१) मा लाेसपाका सन्तोष पाण्डे विजयी

बुटवल । रुपन्देही जिल्ला निर्वाचन क्षेत्र नम्बर ३ (१) को प्रदेश सभा सदस्यका लागि लोकतान्त्रिक समाजवादी पार्टीका सन्तोष पाण्डे विजयी भएका छन् । दोश्रो कार्यकालका लागि निर्वाचित पाण्डेले आफ्नो प्रतिद्वन्द्वी महेन्द्र यादवलाई ४ हजार १३० मतको फराकिलो मतान्तरले पराजित गरेका छन् ।

पाण्डेले १४ हजार ९ सय २८ मत पाएर निर्वाचित भएको मुख्य निर्वाचन अधिकृत कृष्णराम कोईरालाले बताए । यस्तै पाण्डेका निकटतम् प्रतिद्वन्द्वी​ जनता समाजवादी पार्टीका महेन्द्र यादवले १० हजार ७ सय ९८ मत मात्र पाएको कोईरालाले जानकारी दिए ।

---

सोही क्षेत्रबाट लौरो चुनाव चिन्ह भएका हाम्रो नेपाली पार्टीका गोपाल भण्डारी ५ हजार ४ सय ६२ मतसहित तेश्रो स्थानमा रहे भने राष्ट्रिय जनमुक्ति पार्टीका प्रेम बहादुर गुरुङले ३ हजार ६ सय ७४ मत पाएका छन् । प्रदेशसभा सदस्यको लागि निर्वाचित पाण्डे सोही क्षेत्रबाट यस अघि पनि निर्वाचित भएका थिए