प्रदेश १ का आन्तरिक मामिलामन्त्री कार्की पुन: निर्वाचित

विराटनगर- प्रदेश १ का आन्तरिक मामिला तथा कानुनमन्त्री केदार कार्की प्रदेशसभा सदस्यमा पुन: निर्वाचित भएका छन् । मोरङको प्रदेशसभा क्षेत्र नम्बर ६ (२) बाट कार्की निर्वाचित भएका हुन् ।

उनले नेकपा एमालेबाट लडेका प्रदेश कमिटी सदस्य कृष्ण बस्नेत (पर्शुराम) लाई १ हजार १७६ मतले पराजित गरेका हुन् । कार्कीले १० हजार ४३१ र बस्नेतले ९ हजार २५५ पाएका छन् । 

---

बस्नेतले करिब पाँच सय मत गणना बाँकी रहँदै साइनोले ‘ज्वाँई’ रहेका कार्कीलाई बधाई दिएका थिए । उनले आगामी दिनमा सहकार्य गरेर काम गर्न आफू तयार रहेको बताए ।

कार्की २०७४ को आम निर्वाचनमा पनि सोही निर्वाचन क्षेत्रबाट एमालेका रमेश पोखरेललाई पराजित गर्दै प्रदेशसभा सदस्य निर्वाचित भएका थिए ।