महाेतरी-२ मा लाेसपाका भण्डारी निर्वाचित

जनकपुरधाम- महोत्तरी निर्वाचन क्षेत्र नम्बर २ मा लोकतान्त्रिक समाजवादी पार्टी (लाेसपा) का शरतसिंह भण्डारी विजयी भएका छन् । यो जीत सँगै भण्डारी सातौँ पटक संसद्‍मा प्रवेश पाएका छन् । भण्डारी २५ हजार १ सय ९० मत ल्याएर विजयी भएका हुन् ।

उनको निकटतम् प्रतिद्वन्द्वी तराई मधेश लोकतान्त्रिक पार्टीका डा. विजयकुमार सिंहले ११ हजार १ सय २० यी दुईबीचको मतान्तर १४ हजार ७० मतको रहेको छ ।

---

एमालेका रामपरिक्षण यादवले १० हजार २ सय ५८ मत ल्याए ।

२०३८ सालदेखि राजनीतिमा सक्रिय भण्डारी पञ्चायती, राजतन्त्र, गणतन्त्र सबै व्यवस्थामा महोत्तरीका जनताको प्रतिनिधित्व गर्ने अवसर पाएका छन् । भण्डारी यो निर्वाचनसहित अहिलेसम्म ९ पटक संसदीय चुनावमा प्रतिस्पर्धा गरिसकेका छन् । जसमध्ये ७ पटक उनी निर्वाचित भएका छन् भने २ पटक पराजित भएका छन् । 

यसअघि उनी २०३८ साल, २०४२ साल, २०५१ साल, २०५६ साल, २०६४ साल, २०७४ सालको संसदीय निर्वाचनमा चुनाव जितेका थिए भने २०४८ साल र २०७० सालमा पराजय व्यहोर्नु परेको थियो ।