‍हुम्लाबाट प्रतिनिधिसभा सदस्यमा प्रतिनिधित्व गर्दै कार्चेन लामा

सिमकोट । हुम्लाको प्रतिनिधिसभा सदस्यमा नेकपा (माओवादी केन्द्र)का छिरिङ दम्डुल लामा कार्चेन निर्वाचित भएका छन् । लामा १४ हजार तीन सय ७१ मत ल्याएर निर्वाचित भएका हुन् ।    
    
उनका  निकटतम प्रतिस्पर्धी नेकपा (एमाले)का दल रावल नौ हजार पाँच सय १६ मत ल्याएर पराजित भए । उनीहरुबीच चार हजार आठ सय ५५ मतको मतान्तर रहेको छ । यस्तै राप्रपाका तेजबहादुर रावतले तीन सय ७८ मत प्राप्त गरे । यस्तै बदर मत सङ्ख्या पाँच सय २४ थियो । हुम्लामा दुई वटै प्रदेश र प्रतिनिधिसभा सदस्यमा गठबन्धन विजयी भएको छ ।

---