घनश्याम भुसालले भने : म कुनै पार्टीमा जान लागेको छैन

काठमाडौं- प्रतिनिधिसभा सदस्यका लागि रूपन्देही–१ बाट स्वतन्त्र उम्मेदवारी दिएर पराजित भएका घनश्याम भुसालले आफू कुनै पनि पार्टीमा नजाने बताएका छन् ।​

तपाईं नेकपा एकीकृत समाजवादी प्रवेश गर्न लाग्नुभएको भन्ने प्रश्नमा उनले भने, ‘को–कोले के–के लेखेका छन्, त्यसमा मैले बोलेर साध्य छैन । तर, म कुनै पार्टीमा जान लागेको छैन । कुरा त्यस्तो होइन ।’

---

बिहीबार नेकपा एकीकृत समाजवादीको जनवर्गीय संगठन र प्रवास कमिटीका नेताहरूसँग जूम मिटिङलाई सम्बोधन गर्ने क्रममा पार्टी अध्यक्ष माधवकुमार नेपालले घनश्याम भुसाल पार्टीमा आउन सकारात्मक रहेकाे बताएका थिए ।

लामो समय नेकपा एमालेमा रहेका भुसालले टिकट नपाएपछि असन्तुष्टि जनाउँदै एमाले परित्याग गरेका थिए ।