सभामुख घिमिरेले शपथ लिए लगत्तै सहिद स्तम्भमा माल्यार्पण गर्ने

काठमाडौं । सभामुख देवराज घिमिरेले आज पद तथा गोपनीयताको शपथ लिँदैछन् । शुक्रबार बिहान ११ बजे शीतल निवासमा राष्ट्रपति विद्यादेवी भण्डारीसमक्ष  पद तथा गोपनीयताको शपथ लिए लगत्तै उनी लैनचाैर जानेछन् । उनले लैनचाैरमा रहेकाे सहिद स्तम्भमा माल्यार्पण ​गर्नेछन् ।

कार्यतालिकाअनुसार सहिद स्तम्भमा माल्यार्पण गरेपछि साढे १२ बजे सिंहदरबारस्थित संसद् सचिवालयमा पुगेर उनले पदभार सम्हाल्ने कार्यक्रम छ ।

---

घिमिरे बिहीबारको प्रतिनिधिसभा बैठकबाट बहुमतका आधारमा निर्वाचित भएका थिए । दुई सय ६८ सांसद उपस्थित भएकामा उनले एक सय ६७ मत प्राप्त गरेका थिए । उनको विपक्षमा एक सय मत परेको थियो ।