कांग्रेस प्रवक्ता शर्मालाई कोभिड सङ्क्रमण

काठमाडौँ : नेपाली कांग्रेसका प्रवक्ता विश्वप्रकाश शर्मालाई कोभिड-१९ सङ्क्रमण देखिएको छ । आइतबार दिउँसो ज्वरो आउने र जीउ दुःखाइ बढेपछि प्रवक्ता शर्माले स्टार अस्पताल ललितपुरमा गरिएको पिसिआर परीक्षणमा पोजेटिभ रिपोर्ट आएको हो । 

आज बिहान पोजेटिभ रिपोर्ट आएसँगै प्रवक्ता शर्माले सामाजिक सञ्जाल फेसबुकमार्फत आफू कोभिड सङ्क्रमित भएको र उच्च मनोबलका साथ होम आइसोलेशनमा बसेको जानकारी दिएका छन् । प्रवक्ता शर्माले आफू शहीद शुक्रराज ट्रपिकल तथा सरुवा रोग अस्पतालका चिकित्सक अनुप बाँस्तोलाको निर्देशन अनुरुप औषधि सेवन गरेर होम आइसोलेशनमा बसेको बताए । उनले सबैलाई सजग भएर बस्‍नसमेत आग्रह गरेका छन् । 

---