पासपोर्टको दुरुपयोग गरेको छैन–रवि लामिछाने

काठमाडौं– राष्ट्रिय स्वतन्त्र पार्टीका सभापति रवि लामिछानेले पासपोर्टको दुरुपयोग नगरेको बताएक्का छन् । आफूले अमेरिकी राहदानी र नागरिकता नत्याग्दै नेपाली राहदानी लिएकाे भने उनले स्वीकार गरे । 

आइतबार राष्ट्रिय स्वतन्त्र पार्टीको केन्द्रीय समिति र संसदीय दलको बैठकपछि आयोजित पत्रकार सम्मेलनमा उनले यस्तो बताएका हुन् । ‘अमेरिकाबाट नेपाल बस्ने गरी फर्कने भएपछि आवश्यक कागजातहरु बनाएको हुँ,’ उनले भने, ‘त्यसको सदुपयोग, दुरुपयोग केही गरिनँ ।’

---

उनले आफ्नो देशको पासपोर्ट सोझो हिसाबले बनाएको तर त्यसको दुरुपयोग भने नगरेको उनले बताए । १२–१४ वर्ष बसेको देशको कागजात च्यातेर हिंड्न नमिल्ने भन्दै उनले त्यहाँ आफ्नो व्यवसाय रहेको बताए ।