लुम्बिनीमा फेरि मन्त्रिपरिषद् विस्तार

बुटवल  : लुम्बिनी प्रदेशका मुख्यमन्त्री शंकर पोखरेलले फेरि मन्त्रिपरिषद विस्तार गरेका छन्। मुख्यमन्त्रीको सिफारिसमा प्रदेश प्रमुख धर्मनाथ यादवले मंगलबार मात्र मन्त्रिपरिषदमा तीन जना नियुक्ती गरेको र केहीकाे जिम्मेवारी हेरफेर गरेका हुन् । अब प्रदेश मन्त्रिपरिषद १० सदस्यीय भएको छ।

थपिएकाहरूमा चेतनारायण आचार्य आन्तरिक मामिला तथा कानूनमन्त्री, भोजप्रसाद श्रेष्ठ स्वास्थ्य तथा जनसंख्या मन्त्री, धर्मबहादुर लाल श्रीवास्तव शिक्षा तथा सामाजिक विकासमन्त्री बनेका छन् । यसअघि थपिएका मन्त्री मध्ये हरिप्रसाद रिजाललाई ग्रामीण तथा शहरी विकास मन्त्रालय, कल्पना पाण्डेलाई उद्योग, वन तथा वातावरण मन्त्रालयको जिम्मेवारी दिइएको छ।

---

बैजनाथ चौधरी आर्थिक मामिला तथा योजनामन्त्री, सन्तोषकुमार पाण्डे भौतिकपूर्वाधार विकासमन्त्री, विजयबहादुर यादव भूमिव्यवस्था कृषि तथा शहकारी मन्त्री र सुमन शर्मा रायमाझी भौतिक पूर्वाधार विकास राज्यमन्त्रीमा यथावत छन्।